🍁ಕೋಡಗನ ಕೋಳಿ ನುಂಗಿತ್ತಾ ನೋಡವ್ವ ತಂಗಿ,ಕೋಡಗನ ಕೋಳಿ ನುಂಗಿತ್ತಾ
ಆಡು ಆನೆಯ ನುಂಗಿ, ಗೋಡೆ ಸುಣ್ಣವ ನುಂಗಿ
ಆಡಲು ಬಂದ ಪಾತರದವಳ ಮದ್ದಲಿ, ನುಂಗಿತ್ತಾ ತಂಗಿ “ಕೋಡಗನ ಕೋಳಿ ನುಂಗಿತ್ತಾ “🍁
ಸುಗಮ ಸಂಗೀತ, ಜಾನಪದ ಗೀತೆ, ಭಾವಗೀತೆ ಮತ್ತು ಚಲನಚಿತ್ರ ಗೀತೆಗಳನ್ನು ತಮ್ಮ ಕಂಚಿನ ಕಂಠದ ಮೂಲಕ ಸುಶ್ರಾವ್ಯವಾಗಿ ಹಾಡಿ ಅಭಿಮಾನಿಗಳ ಪ್ರೀತಿಯನ್ನು ಸಂಪಾಜಿಸಿರುವ ನಮ್ಮ ಕನ್ನಡ ನಾಡಿನ ಹೆಮ್ಮೆಯ ಗಾಯಕರಾದ ಡಾ. ಶ್ರೀ. ಸಿ. ಅಶ್ವಥ್ ರವರು ಹುಟ್ಟಿದ್ದು (29.12.2019).
ನ್ಯಾಷನಲ್ ಕಾಲೇಜಿನಲ್ಲಿ ವಿಜ್ಞಾನ ಪದವೀಧರರು, 27 ವಷ೯ ಇಂಡಿಯನ್ ಟೆಲಿಫೋನ್ ಇಂಡಸ್ಟ್ರೀಸ್ ನಲ್ಲಿ ಎಕ್ಸಿಕ್ಯೂಟಿವ್ ಇಂಜಿನೀಯರ್ ಹುದ್ದೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತಿ ಹೊಂದಿದ ಬಳಿಕ ತಮ್ಮ ಸಂಗೀತ ಸಾಧನೆಯನ್ನು ದೇವಗಿರಿ ಶಂಕರ ಜೋಶಿ ಅವರ ಬಳಿ ಹಿಂದೂಸ್ಥಾನಿ ಕಲಿತರು.
“ಕಾಕನಕೋಟೆ” ಧ್ವನಿ ಮುದ್ರಣ ಮಾಡುವಾಗ ಎಲ್ ವೈದ್ಯನಾಥನ್ ಶ್ರೇಷ್ಠ ಸಂಗೀತ ನಿರ್ದೇಶಕರು ಭೇಟಿ ಮಾಡಿದ ಕ್ಷಣದಿಂದ ಇವರು ಸಂಗೀತ ಮತ್ತು ಗಾಯನ ಕ್ಷೇತ್ರದಲ್ಲಿ 30 ವಷ೯ಗಳ ಅನಿಯಮಿತ ಸೇವೆ ಸಲ್ಲಿಸಲು ಕಾರಣವಾಯಿತೆಂದರೆ ಅತಿಶಯೋಕ್ತಿಯಲ್ಲ. ವೈದಿ ರವರು ಅಶ್ವಥ್ ರವರು ಮಾಡುವ ಹಲವಾರು ಸಂಯೋಜನೆಗೆ ಹಿನ್ನೆಲೆ ಸಂಗೀತ ನೀಡಿದರು, ಏನೆ ಬರಲಿ ಪ್ರೀತಿ ಇರಲಿ ಎಂಬ ಹಾಡು ಇಬ್ಬರ ಸಂಯೋಜನೆಯ ಜನಪ್ರಿಯತೆಯನ್ನು ಗಳಿಸಿದೆ.
ಇವರ ಸಂಯೋಜನೆಯ ಕೆಲ ಚಿತ್ರಗಳ ಜನಪ್ರಿಯ ಗೀತೆಗಳ ಸಾಲು ನೋಡೋದಾದರೆ :
ಅನುಪಮ (ಒಲುಮೇ ಪೂಜೆಗೆಂದೆ).
ಆಲೆಮನೆ (ನಮ್ಮೂರ ಮಂದಾರ ಹೂವೇ).
ಬಾಡದ ಹೂವು (ಹೂವು ನೋಡು ಆಹ ಎಂಥ).
ಭೂಲೋಕದಲ್ಲಿ ಯಮರಾಜ (ಎಂದೂ ಕಾಣದ ಬೆಳಕ ಕಂಡೆ).
ನಾರದ ವಿಜಯ (ಎಂಥಾ ಲೋಕವಯ್ಯ).
ಗಾಯಕರು ಮತ್ತು ಸಂಯೋಜಕರಾಗಿ ಇಡೀ ವಿಶ್ವದಲ್ಲಿ ಜನಪ್ರಿಯತೆ ಗಳಿಸಿದ್ದು, ಇವರು ಕನಾ೯ಟಕವಲ್ಲದೆ ಮೆಲ್ಬೋನ್೯ ನ ಮೇಲನುಡಿ ಕನ್ನಡ ಸಂಘ ಮತ್ತು ಯು ಕೆ ಪ್ರಸಿಧ್ಧ ಸ್ಥಳಗಳಲ್ಲಿ ಕಾಯ೯ಕ್ರಮ ನೀಡಿರುವುದು ಗಮನಾರ್ಹ.
