ಅಣ್ಣಾವೃ ಯೋಗ ಕಲಿತ ಮತ್ತು ತಮ್ಮ ಯೋಗ ಕಲಿಕೆಗೆ ಗುರುಗಳು ಎಂದು ಭಾವಿಸಿದ ಯೋಗ ಗುರು
“ಹೊನ್ನಪ್ಪ ಫಕೀರಪ್ಪ ನಾಯ್ಕಾರ್ ” ರವರು ಇಂದು ವಯೋಸಹಜ ಖಾಯಿಲೆಯಿಂದ ವಿಧಿವಶರಾಗಿದ್ದಾರೆ.
ಇವರ ಮತ್ತು ಅಣ್ಣಾವ್ರ ಒಡನಾಟ ಹೇಗಿತ್ತು.. ಅಣ್ಣಾವೃ ಇವರನ್ನು ಭೇಟಿ ಮಾಡಿದ ಸಂದಭ೯ ಹೇಗೆ ಒದಗಿಬಂತು.. ಯಾಕೆ ಇವರನ್ನು ಯೋಗ ಗುರು ಎಂದು ಸ್ವೀಕರಿಸಿದರು ಇವೆಲ್ಲದಕ್ಕೆ ಉತ್ತರ ನನಗೆ ತಿಳಿದ ಹಾಗೆ ಬರೆದಿರುವೆ.
ಕನ್ನಡ ಚಿತ್ರರಂಗದಲ್ಲಿ ಕರುನಾಡು ಇರೋವರೆಗೂ ಒಂದು ಹೆಸರು ಇರೋದು ನಿಮಗೆಲ್ಲ ಗೊತ್ತಿರುತ್ತೆ ಅವರೆ ಕರುನಾಡ ಕಣ್ಮಣಿ, ಕಲಾ ತಪಸ್ವಿ, ಕನ್ನಡ ಕಂಠೀರವ ಮರೆಯಲಾಗದ ಮಾಣಿಕ್ಯ ಡಾ ರಾಜ್ ಕುಮಾರ್ ರವರು.
ನಟರಾಗಿ ಚಿತ್ರಗಳಲ್ಲಿ ಅಭಿನಯಿಸಿ ಮನೆಮಾತಾದ ಇವರು ಸದಾ ಹುರುಪಿನಿಂದ ಚಿರಯುವಕರಂತೆ ಕಾಣಲು ಪ್ರಮುಖ ಪಾತ್ರ “ಯೋಗ”.40 ವಷ೯ವಾದ ನಂತರ ಎಲ್ಲರಿಗೂ ಕಾಡುವ ಸಮಸ್ಯೆ ಮಂಡಿ ನೋವು ಇದನ್ನು ಕಡಿಮೆ ಮಾಡಲು ಸಲಹೆ ನೀಡಿದ್ದು ಯೋಗ .
‘ಕಾಮನಬಿಲ್ಲು” ಚಿತ್ರದ ಅಣ್ಣಾವ್ರ ಪರಿಚಯ ದೃಶ್ಯಗಳನ್ನು ಗಮನಿಸಿ ನಿಮಗೇ ತಿಳಿಯುತ್ತದೆ ಅವರು ಎಷ್ಟು ಶ್ರಧ್ಧೆ ವಹಿಸಿ ವಿವಿಧ ರೀತಿಯ ಯೋಗಾಸನಗಳನ್ನು ಮಾಡಿರೋದು, ಈ ಚಿತ್ರದ ನಿದೇ೯ಶಕರಾದ “ದತ್ತರಾಜ್” ರವರು ಹೇಳೋದು ಅಣ್ಣಾವೃ ಯೋಗ ಮಾಡುವ ದೃಶ್ಯಗಳನ್ನು ಚಿತ್ರೀಕರಿಸಿದ್ದೇವೆ, ಸಾಮಾನ್ಯ ವೇಳೆಯಲ್ಲ ಕೊರೆಯುವ ಛಳಿಯಲ್ಲಿ ಅದೂ ದೇಹದಲ್ಲಿ ಒಂದು ಬಟ್ಟೆ ಬಿಟ್ಟು ಬೇರೆನಿರದೆ ಯೋಗದಲ್ಲಿ ನಿರತರಾಗಿರೋದು, ವಿವಿಧ ಆಸನಗಳು ನೋಡಲು ನಮಗೆ ಆಶ್ಚರ್ಯ ಅವರೊಬ್ಬ ಯೋಗ ರಾಜ ಅಂತ ಹೇಳಿರೋದು.
1960 ರಲ್ಲಿ ಒಬ್ಬರು ವ್ಯಕ್ತಿ ಅಣ್ಣಾವ್ರನ್ನ ಭೇಟಿ ಮಾಡಿ ಅವರ ದೇಹ ಮುಟ್ಟಿದಾಗ ಅವರಿಗನ್ನಿಸಿದ್ದು ಇವರು ಯೋಗರಾಜ, ನಟರಾಗಿ ಮಾತ್ರವಲ್ಲದೆ ತಮ್ಮ ದೇಹವನ್ನು ಇಷ್ಟು ಗಟ್ಟಿಮುಟ್ಟಾಗಿ ಇಟ್ಟುಕೊಂಡಿದ್ದಾರೆ ಅನ್ನೋಕೆ ನಿಜಕ್ಕೂ ಯೋಗ ಮತ್ತು ಏಕಾಗ್ರತೆ ಇರೋದರಿಂದ ಸಾಧ್ಯವೆಂದು.
ನಂತರ 20 ವಷ೯ಗಳ ನಂತರ ಅವರನ್ನು ಭೇಟಿ ಮಾಡಲು ಮನೆಗೆ ಹೋದಾಗ ಅಣ್ಣಾವ್ರಿಗೆ ಆರೋಗ್ಯ ಸರಿಯಿಲ್ಲದ ಕಾರಣ ಚಿತ್ರೀಕರಣಕ್ಕೆ ಹೋಗಿದ್ದಾರೆ ಅಂತ ಪಾವ೯ತಮ್ಮ ರವರು ಹೇಳಿದ ಮೇಲೆ ಆ ಗುರುಜಿ ಕೇವಲ ನಾನು ಅವರ ಅಭಿಮಾನಿಯಲ್ಲ ಅವರ ಒಳಿತನ್ನು ಬಯಸುವವನು ಹುಬ್ಬಳ್ಳಿ ಸಿಧ್ಧಾರೂಢ ಮಠ ದಿಂದ ಬಂದಿರುವೆ ಯೋಗದ ವಿಚಾರವಾಗಿ ಅವರಿಗೆ ತಿಳಿಸುವ ಸಲುವಾಗಿ ಎಂದು ಹೇಳಿ ಈ ವಿಷಯ ಅಣ್ಣಾವ್ರಿಗೆ ತಲುಪಿ ಕೊನೆಗೆ ಅವರು ಅಣ್ಣಾವ್ರನ್ನ ಭೇಟಿ ಮಾಡಿದರು.
ಇವರ ಹೆಸರು “ಹೊನ್ನಪ್ಪ ಫಕೀರಪ್ಪ ನಾಯ್ಕರ್ ” ಇವರನ್ನು ಅಣ್ಣಾವೃ ಯೋಗ ಗುರು ಎಂದು ಒಪ್ಪಿಕೊಳ್ಳೋಕೆ ಕಾರಣ ಅವರಿಗಿದ್ದ ಯೋಗದ ಬಗ್ಗೆ ಅವರಿಗಿದ್ದ ಕಾಳಜಿ.
ಅಣ್ಣಾವೂ ಅವರ ಜೊತೆ ಯೋಗ ಮಾಡಲು ಒಪ್ಪಿಕೊಂಡರು ನಂತರ ಯೋಗ ಶುರು ಮಾಡ್ತಿದ್ದು ಬೆಳಗಿನ ಜಾವ 2 ಘಂಟೆಗೆ ಮತ್ತು ಮುಗಿಸುತ್ತಿದ್ದು 8 ಘಂಟೆಗೆ ಸರಿ ಸುಮಾರು 6 ಘಂಟೆ ನಿರಂತರ ಅಭ್ಯಾಸ ಮಾಡುತ್ತಿದ್ದರು ಆದರೂ ಅವರಿಗೆ ಸಮಾಧಾನವಾಗದೆ ಯೋಗದ ಎಲ್ಲಾ ಪ್ರಕಾರಗಳನ್ನು ತಿಳಿದುಕೊಳ್ಳುವ ಆಸಕ್ತಿಯನ್ನು ಗಮನಿಸಿ ಹೊನ್ನಪ್ಪ ರವರು ಎಲ್ಲಾ ರೀತಿಯ ಆಸನಗಳನ್ನು ಹೇಳಿಕೊಡುತ್ತಾರೆ. ವ್ಯಾಯಾಮ ಬಿಟ್ಟು ನಿತ್ಯ ಯೋಗ ಮಾಡೋದನ್ನು ನಿಲ್ಲಿಸಲಿಲ್ಲ.ಇದರಿಂದ ಕೇವಲ ದೇಹ ಗಟ್ಟಿಯಾಗುವುದಲ್ಲದೆ ಮಾನಸಿಕ ಮತ್ತು ಆಧ್ಯಾತ್ಮಿಕ ಚಿಂತನೆಯನ್ನು ಮಾಡುವ ಮೂಲಕ ಮನಸ್ಸನ್ನು ನಿಗ್ರಹ ಮಾಡುವ ಗುರಿಯಾಯಿತು.
ನಾನು ಅವರಿಂದ ಕಲಿತದು ಬಹಳಷ್ಟಿದೆ 28 ವಷ೯ ಯೋಗ ಹೇಳಿಕೊಟ್ಟ ಗುರು ಎಂದು ಭಾವಿಸುವುದು ಅವರ ದೊಡ್ಡ ಗುಣ.
ಅಣ್ಣಾವ್ರ ಜೊತೆ ಪಾವ೯ತಮ್ಮ ರವರು ಕೂಡ ಯೋಗ ಮಾಡುತ್ತಿದ್ದರು, ನಿಮಗೆಲ್ಲ ತಿಳಿದಿರಲಿ ಅಣ್ಣಾವ್ರನ್ನ ಕಾಡುಗಳ್ಳ ವೀರಪ್ಪನ್ ಅಪಹರಿಸಿದಾಗಲೂ ಕೂಡ ಯೋಗ ಬಿಡದೇ ಪ್ರತಿದಿನವೂ ಮಾಡುತ್ತಿದ್ದರು. ಇದೇ ಅಭ್ಯಾಸವನ್ನು ಅವರ ಮಕ್ಕಳಾದ “ಶಿವರಾಜ್ ಕುಮಾರ್ ಮತ್ತು ಪುನೀತ್ ರಾಜಕುಮಾರ್ “ರವರು ಮಾಡುತ್ತಿದ್ದಾರೆ.
ಯೋಗ ಮಾಡುವುದರಿಂದ ಕೆಟ್ಟ ಕೆಟ್ಟ ಆಲೋಚನೆಗಳು ದೂರವಾಗಿ ಮನಸ್ಸು ನಮ್ಮ ಹತೋಟಿಗೆ ಬಂದು ನಾವು ಹೇಳಿದಂತೆ ಕೇಳಲು ಸಾಧ್ಯವಾಗುವುದು.
ಇಂಥ ಮಹಾನ್ ಯೋಗ ಗುರು ಇವತ್ತು ನಮ್ಮೊಂದಿಗಿಲ್ಲ ಆದರೆ ಇವರು ಹೇಳಿ ಕೊಟ್ಟ ಯೋಗ ಶಿಸ್ತು ಎಂದೂ ಅವರ ವಿಧ್ಯಾಥಿ೯ಗಳು, ಅನುಯಾಯಿಗಳು ಪಾಲಿಸುತ್ತಾರೆ.
ದೇವರು ಅವರ ಆತ್ಮಕ್ಕೆ ಶಾಂತಿ ನೀಡಲಿ ಮತ್ತು ಅವರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿಯನ್ನು ನೀಡಲಿ.
ನನಗನ್ನಿಸುತ್ತೆ ಅಣ್ಣಾವ್ರಿಗೆ ಯೋಗ ಹೇಳಿಕೊಡಲು ತಾವೇ ಸ್ವಗ೯ಕ್ಕೆ ಹೋದ ಹಾಗಿದೆ.
ಮತ್ತೆ ಹುಟ್ಟಿ ಬನ್ನಿ ಯೋಗ ಗುರುಗಳೆ 🙏
