ಚಿತ್ರರಂಗ ಕಂಡ ಅತ್ಯುತ್ತಮ ಪೋಷಕ ನಟರಲ್ಲಿ ಎಚ್.ಆರ್.ಶಾಸ್ತ್ರಿ ಒಬ್ಬರಾಗಿದ್ದು ಸಂಗೀತ ಮತ್ತು ಸಾಹಿತ್ಯವೇ ನನ್ನ ಉಸಿರು ಎಂದು ಜೀವಿಸಿದ ಪುಣ್ಯವಂತರು ಆಗಿದ್ದರು.
ಎಚ್.ಆರ್.ಶಾಸ್ತ್ರಿ ನವೆಂಬರ್ ೨,೧೯೦೫ ರಂದು ಮೇಲುಕೋಟೆ ಸಮೀಪದ ಹಳೇಬೀಡು ಎಂಬ ಊರಿನಲ್ಲಿ ಜನಿಸಿದ ಇವರು ಪೂರ್ಣ ಹೆಸರು ಎಚ್.ರಾಮಚಂದ್ರ ಶಾಸ್ತ್ರಿ. ಚಿಕ್ಕಂದಿನಿಂದಲೂ ಸಾಹಿತ್ಯದಲ್ಲಿ ಅತೀವ ಆಸಕ್ತಿಯನ್ನು ಹೊಂದಿದ್ದ ಇವರು ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಲು ಸಾಧ್ಯವಾಗಲಿಲ್ಲ. ಆದರೂ ಜೀವನ ನಿರ್ವಹಣೆಗೆ ರೈಲ್ವೆ ವರ್ಕ್ ಶಾಪ್ ನಲ್ಲಿ ಕೂಲಿಯಾಗಿ ಕೆಲಸಕ್ಕೆ ಸೇರಿದ್ದರು. ಆದರೆ ಸಾಹಿತ್ಯ ಇವರನ್ನು ಬಿಡಲಿಲ್ಲ. ಕೆಲಸದ ಬಿಡುವಿನ ನಂತರ ತನ್ನ ಸ್ನೇಹಿತರ ಜೊತೆಗೆ ಚಿಕ್ಕ ನಾಟಕಗಳಲ್ಲಿ ಪಾತ್ರವನ್ನು ಮಾಡುತ್ತಿದ್ದರು.
ನಿಸ್ವಾರ್ಥ ಅಭಿನಯದ ಸೆಳೆತ ಇವರನ್ನು ಅಂದಿನ ರಂಗಭೂಮಿಯ ಪ್ರಸಿದ್ಧ ಕಲಾವಿದರಾದ ಎ.ವಿ.ವರದಾಚಾರ್ಯರ ರತ್ನಾವಳಿ ನಾಟಕ ಮಂಡಳಿಯಲ್ಲಿ ಪ್ರವೇಶ ದೊರಕಿತು. ಅಲ್ಲಿಯು ಕೂಡ ಕೆಲವು ನಾಟಕಗಳಲ್ಲಿ ಅಭಿನಯಿಸುವುದರ ಮೂಲಕ ತಮ್ಮ ಕಲಾ ಜೀವನವನ್ನು ಆರಂಭಿಸಿದರು. ಹಲವು ತಿಂಗಳುಗಳ ನಂತರ ರತ್ನಾವಳಿ ನಾಟಕ ಮಂಡಳಿಯನ್ನು ತ್ಯಜಿಸಿ ಭಾರತ ಜನ ಮನೋವಿಲಾಸಿನಿ ಸಭಾ ಮಂಡಳಿ ಮತ್ತು ಪೀರರವರ ನಾಟಕ ಮಂಡಳಿಯನ್ನು ಸೇರಿ ಅನೇಕ ನಾಟಕಗಳಲ್ಲಿ ಕೆಲಸ ಮಾಡಿ ಅಪಾರ ಅನುಭವದೊಂದಿಗೆ ಆರ್.ನಾಗೇಂದ್ರ ರಾಯ್ ನಿರ್ದೇಶನದ ಭಕ್ತ ಅಂಬರೀಷ ಎಂಬ ತಮಿಳು ಚಿತ್ರದಲ್ಲಿ ಪೋಷಕ ನಟನಾಗಿ ಚಿತ್ರರಂಗವನ್ನು ಪ್ರವೇಶಿಸಿದ್ದರು.
ತಮಿಳು ಚಿತ್ರವಲ್ಲದೇ ಕನ್ನಡದಲ್ಲಿ ಗುಬ್ಬಿ ವೀರಣ್ಣ ನಿರ್ದೇಶನದ ಸುಭದ್ರ, ಬೇಡರ ಕಣ್ಣಪ್ಪ,ನಟ ಶೇಖರ ಮತ್ತು ಭಕ್ತಿ ಕನಕದಾಸ ಹಾಗೂ ಕೃಷ್ಣ ಪ್ರೇಮ ಎಂಬ ತೆಲುಗು ಚಿತ್ರದಲ್ಲಿಯೂ ನಟಿಸಿದ್ದರು. ಬೆರಳೆಣಿಕೆಯಷ್ಟು ಚಿತ್ರಗಳಲ್ಲಿ ನಟಿಸಿದ್ದರೂ ಇವರ ಅಮೋಘ ಪಾತ್ರದ ನಿರ್ವ‌ಹಣೆಯನ್ನು ಚಿತ್ರ ಪ್ರೇಮಿಗಳು ಮರೆಯಲು ಸಾಧ್ಯವಿಲ್ಲ.
ಸಾಹಿತ್ಯವೇ ನನ್ನ ಉಸಿರು ಎಂದು ಜೀವಿಸಿದ ಎಚ್.ಆರ್.ಶಾಸ್ತ್ರಿಯವರು ಡಿಸೆಂಬರ್ ೧೨,೧೯೭೬ ರಂದು ತಮ್ಮ ೭೧ ನೇ ವಯಸ್ಸಿನಲ್ಲಿ ನಿಧನರಾದರು.
