ಜೀವನ ತರಂಗ

ಕಪ್ಪು ಬಿಳುಪು ಪಾತ್ರಗಳ ಕಥೆಗಳ ಸಿನಿಮಾಗಳ ಸರಮಾಲೆಯಲ್ಲಿ ಇದೊಂದು.
ಡಿಕ್ಕಿ ಮಾಧವರಾವ್ ಹಳ್ಳಿಯಲ್ಲಿ ಗೌರವದಿಂದ ಬಾಳುವಾತ. ಆತನ ಹೆಂಡತಿ ಜಯಶ್ರೀ. ಅವರಿಬ್ಬರ ಮಗಳು ಹದಿನೈದರ ಬಾಲೆ (ಚಂದ್ರಕಲಾ). ಡಿಕ್ಕಿಯ ತಮ್ಮ ಕೆ. ಎಸ್ ಅಶ್ವತ್ಥ್ ಪಟ್ಟಣದಲ್ಲಿ ಡಾಕ್ಟರು. ಆತನ ಹೆಂಡತಿ ಆದವಾನಿ ಲಕ್ಷ್ಮೀದೇವಿ (ಈ ಮಹಾತಾಯಿ ಹೆಚ್ಚು ಸೌಮ್ಯ ಪಾತ್ರಗಳನ್ನು ವಹಿಸಿದಾಕೆ. ಇದರಲ್ಲಿ ಮನೆ ಮುರಿಯುವ ಮಂಥರಾ ಪಾತ್ರ). ಆ ಮನೆಯ ಮೂರನೇ ಮಗ ಕುಮಾರ್ (ರಾಜ್‍ಕುಮಾರ್). ಇವರ ಮುದ್ದು ತಂಗಿ ಜ್ಯೂ. ರೇವತಿ. ಇವಳಿಗೆ ತಾಳಿ ಕಟ್ಟಿ ಅಪ್ಪನ ಭಯಕ್ಕೆ ಅವಳನ್ನು ಬಿಟ್ಟು ಹೋಗುವ ರಾಜಾಶಂಕರ್ ನಂತರ ಜಮೀನುದಾರ ಎಂಬ ಸೋಗುಹಾಕಿ ಸುಮತಿಯ(ಲೀಲಾವತಿ) ಮೇಲೆ ಕಣ್ಣು ಹಾಕುತ್ತಾನೆ. ಈಕೆ ಕುಮಾರ್ ಪ್ರೇಮಿ. ಈಕೆಯ ತಂದೆಯ ಬಳಿ ಕುಮಾರ್ ಇಂಜಿನಿಯರ್.

ಆದವಾನಿ ಲಕ್ಷ್ಮೀದೇವಿಯಿಂದಾಗಿ ಮನೆ ಛಿದ್ರಗೊಂಡು ದಿಕ್ಕಾಪಾಲಾಗುತ್ತಾರೆ ಎಲ್ಲರೂ. ಬಾಲಕೃಷ್ಣ ಆ್ಯಸ್ ಯೂಶುವಲ್ ಮನೆ ಮುರುಕ ನಂಬರ್ ಟೂ. ರಮಾದೇವಿ ಮತ್ತು ನರಸಿಂಹರಾಜು ಇದ್ದಾರೆ.

ಚಂದ್ರಕಲಾ ಜೀವನ ತರಂಗದಲ್ಲಿ ರಾಜ್‌ಗೆ ಅಣ್ಣನ ಮಗಳಾಗಿ, ರೌಡಿ ರಂಗಣ್ಣದಲ್ಲಿ ತಂಗಿಯಾಗಿ, ಮಾರ್ಗದರ್ಶಿಯಲ್ಲಿ ಪ್ರೇಯಸಿ – ಪತ್ನಿಯಾಗಿ ಬೆಳೆದ ನಟಿ.
ಅಣ್ಣಾವ್ರು ಪ್ರೇಮ ವಾತ್ಸಲ್ಯ ಕ್ರೋಧ ಹೀಗೆ ಅನೇಕ ರಸ ಪ್ರದರ್ಶನ ಮಾಡಿರುವ 1963ರ ಈ ಚಿತ್ರದಲ್ಲಿ ಹಾಡುಗಳು ‘ಮನದೆ ಮುನಿದೆ’ ರಾಜ್ ಲೀಲಾ ಡ್ಯೂಯೆಟ್… ‘ಆನಂದ ತುಂಬಿ ತಂದೆ’ ಕೃಷ್ಣ ರಾಧಾ ನೃತ್ಯ… ರಾಜಾಶಂಕರ್ ಹಾಡುವ ‘ಬಂತು ನವಜೀವನ’  ಮುಂತಾದವು.

ಲೇಖಕರು: ಯತಿರಾಜ್ ವೀರಾಂಬುಧಿ