ಜಯಹೇ ಶಂಕರ ಜಯಾಭಯಂಕರ (ಪಿ. ಲೀಲಾ)
ಗಂಗೆಯ ಧರಿಸಿದನಾ ತಾನು ಚಂದಿರನ ಮುಡಿದವನ (ಎಸ್ ಜಾನಕಿ) ಬಾಲೆಯ ಮೊರೆಯಿದು (ಎಸ್ ಜಾನಕಿ)
ನವ ವಸಂತ ನಗುತ ಬಂದ (ಎಲ್ ಆರ್ ಈಶ್ವರಿ)
ವನಮಾಲೀ ವೈಕುಂಠಪತೀ (ಪಿಬಿಎಸ್ ಬೆಂಗಳೂರು ಲತಾ ), ಜಯಾ ಶಂಕರ ಭಾವಗೋಚರ (ಬಿ ಕೆ ಸುಮಿತ್ರಾ)
ಶ್ಯಾಮಾ ಮೋಹನಾ ಮಾಧವಾ (ಪಿಬಿಎಸ್)
ವಿಶ್ವ ವಂದ್ಯ ವಿಘ್ನೇಶ ಗಣೇಶ (ಪಿಬಿಎಸ್ ಖೋರಸ್)
ಇವುಗಳಲ್ಲಿ ಕೆಲವು ಹಾಡುಗಳನ್ನಾದರೂ ಕೇಳಿಯೇ ಇರುತ್ತೀರಿ. (1967)
ಶಿವನ(ರಾಜ್ಕುಮಾರ್) ಪತ್ನಿ ಸತಿ (ಚಂದ್ರಕಲಾ) ಪತಿಯ ಸಲಹೆಯನ್ನು ಧಿಕ್ಕರಿಸಿ, ತವರಿಗೆ ಹೋಗಿ ತಂದೆ ದಕ್ಷನಿಂದ ಅಪಮಾನಿತಳಾಗಿ ಯಜ್ಞ ಕುಂಡದಲ್ಲಿ ಬಿದ್ದು ಅಸು ನೀಗುತ್ತಾಳೆ. ಮತ್ತೆ ಹಿಮವಂತ ಮತ್ತು ಮೈನಾದೇವಿಯ (ಜಯಶ್ರೀ) ಪುತ್ರಿ ಪಾರ್ವತಿಯಾಗಿ ಜನಿಸಿ ಶಿವನಿಗಾಗಿ ತಪಸ್ಸು ಆರಂಭಿಸುತ್ತಾಳೆ. ನಾರದನ (ಉದಯಕುಮಾರ್) ಚಿತಾವಣೆಯಿಂದ ಶಿವ ಪಾರ್ವತಿಯನ್ನು ಪರೀಕ್ಷಿಸಲು ಬರುತ್ತಾನೆ…
ತನ್ನ ತಂದೆಯನ್ನು ಕೊಂದ ದೇವೇಂದ್ರನ ಕೊಲ್ಲಲು ತಾರಕಾಸುರ (ಎಂ ಪಿ ಶಂಕರ್) ತಪಸ್ಸು ಮಾಡಿ ಬ್ರಹ್ಮನಿಂದ ವರ ಪಡೆಯುತ್ತಾನೆ. ಸತಿ ವಿಯೋಗದಿಂದ ತಪವನ್ನು ಆಚರಿಸುತ್ತಿರುವ ಶಿವಪುತ್ರನಿಂದ ತನಗೆ ಸಾವು ಬರಲಿ ಎನ್ನುತ್ತಾನೆ. ಅವನ ಸಾವಿಗಾಗಿ ಈಗ ತುರ್ತಾಗಿ ಶಿವ ಪಾರ್ವತಿ ಮದುವೆ ಆಗಬೇಕು. ಅದಕ್ಕೆ ನೂರೆಂಟು ವಿಘ್ನ. ಗಣೇಶನ ಸೃಷ್ಟಿ ಕೂಡ ಈ ಚಿತ್ರದಲ್ಲಿದೆ.
ತಾರಕನ ತಾಯಿ ಕಾಳಿಂದಿ (ಪಂಢರೀಬಾಯಿ) ಮೌನವ್ರತ ಆಚರಿಸುತ್ತಿರುವವರೆಗೂ ತಾರಕನಿಗೆ ಶ್ರೀರಕ್ಷೆ. ಅದರ ಭಂಗಕ್ಕೆ ದೇವೇಂದ್ರ ಸಿದ್ಧನಾಗುತ್ತಾನೆ. ಏಕೆಂದರೆ ಅವನು ತಾರಕನಿಂದಾಗಿ ಪದವಿಭ್ರಷ್ಟನಾಗಿ ನಾಗಲೋಕದಲ್ಲಿ ಅವಿತು ಕುಳಿತಿರುತ್ತಾನೆ.
ರಾಜ್ಕುಮಾರ್ ಶಿವನಾಗಿ ಕೋಪ ಪ್ರೇಮ ಎಲ್ಲವನ್ನೂ ಚಂದವಾಗಿ ತೋರಿಸಿದ್ದಾರೆ. ಒಬ್ಬ ರಾಜನಂತೆ, ಮುದುಕನಂತೆ ಕೂಡ ಕಾಣಿಸಿಕೊಂಡಿದ್ದಾರೆ.
ಶಚೀದೇವಿಯಾಗಿ ಆರ್ ಟಿ ರಮಾ… ನಂದಿಯಾಗಿ ದಿನೇಶ್ ಗುರುತು ಸಿಕ್ಕಿದರು.
