ವೃತ್ತಿಯಲ್ಲಿ ದಂತ ವೈದ್ಯೆ, ನಿರೂಪಕಿ, ಕಂಠದಾನ ಕಲಾವಿದೆ, ಹೆಸರಾಂತ ಹಿನ್ನೆಲೆ ಗಾಯಕಿ ಈ ಎಲ್ಲಾ ಕ್ಷೇತ್ರಗಳಲ್ಲಿ ತಮ್ಮ ಸೇವೆಯನ್ನು ಸಲ್ಲಿಸಿದ ಹೆಮ್ಮೆಯ ಮಲೆನಾಡಿನ ಮಹಿಳೆ ಇವರು, ಯಾರಿವರು ಅನ್ನೋ ಕುತೂಹಲ ನಿಮಗೆ. ಹೆಸರಲ್ಲೇ ಇದೇ ಮಲೆನಾಡ ಹೆಣ್ಣು ಮಗಳು ಅವರೇ ಡಾ ಶಮಿತಾ ಮಲ್ನಾಡ್.
ಇವರು ಹುಟ್ಟಿದ್ದು ಜೂನ್ ತಿಂಗಳ 09 ರಂದು ತೀಥ೯ಹಳ್ಳಿ , ಶಿವಮೊಗ್ಗ. ತಂದೆ ಪ್ರೊಫೆಸರ್ ಯು. ವಿ. ರಾಮಚಂದ್ರ ತಾಯಿ ಹೆಚ್ ಜಿ ಸುನಂದ. ಒಕ್ಕಲಿಗರ ಸಂಘ ದಂತ ವೈದ್ಯಕೀಯ ವಿದ್ಯಾಲಯ, ಕಿಮ್ಸ್ ,ಬೆಂಗಳೂರು ದಿಂದ ಬ್ಯಾಚುಲರ್ ಆಫ್ ಡೆಂಟಲ್ ಸಜ೯ರಿ ಡಿಗ್ರಿ (ಬಿ ಡಿ ಎಸ್) ಪದವಿಯನ್ನು ಪಡೆದಿದ್ದಾರೆ. ಸಂಗೀತ ಕಲಿಯುವ ಆಸಕ್ತಿ ಮೊದಲಿನಿಂದಲೂ. ಹಿಂದೂಸ್ಥಾನಿ ಸಂಗೀತ ವಿದುಷಿ ದಿವಂಗತ ಪಂಡಿತ್ ಶೇಷಾದ್ರಿ ಗವಾಯಿ ಅವರ ಶಿಷ್ಯೆ ಕೂಡ. ಇವರು ಅವರ ಬಳಿ ಸಂಗೀತ ಕಲಿತದ್ದು ಅವರು ಗಾಯನ ಕ್ಷೇತ್ರಕ್ಕೆ ಹೆಚ್ಚು ಹೆಸರುವಾಸಿಯಾಗಲು ಸಾಧ್ಯವಾಯಿತೆಂದರೆ ಅತಿಶಯೋಕ್ತಿಯಲ್ಲ.
ಇವರು ಹಿನ್ನೆಲೆ ಗಾಯಕಿ ಯಾಗಿ ತಮ್ಮ ವೃತ್ತಿಯನ್ನು “ಕಣಿವೆ ಕಬ್ಬಳಿ ” ಭಕ್ತಿ ಗೀತೆ ಹಾಡುವ ಮೂಲಕ 1994 ರಲ್ಲಿ ಪ್ರಾರಂಭಿಸಿದ ಸಂಗೀತ ಪಯಣ ಇದುವರೆಗೂ ಸಾಗಿದೆ. ಜನಪ್ರಿಯ ಕನ್ನಡ ಚಿತ್ರಗೀತೆಗಳಲ್ಲದೆ ಸುಗಮ ಸಂಗೀತ, ಭಕ್ತಿ ಗೀತೆಗಳನ್ನು ಹಾಡಿದ್ದಾರೆ. ಇವರು ಫಾಸ್ಟ್ ಸಾಂಗ್ ಹಾಡೋಕು ಸೈ, ಸ್ಲೋ ಸಾಂಗ್ ಹಾಡೋಕು ಸೈ, ಲವ್ ಸಾಂಗ್ ಹಾಡೋಕು ಸೈ, ಟಪಾಂಗುಚಿ ಹಾಡಿಗೂ ಸೈ…
“ನಿನಗಾಗಿ” ಚಿತ್ರದ “ಶುಕ್ರಿಯ ಶುಕ್ರಿಯ ” ಹಾಡಿಗೆ ಹಾಡಲು ಮೊದಲು ಚಿತ್ರರಂಗದಲ್ಲಿ ಅವಕಾಶ ನೀಡಿದವರು ಖ್ಯಾತ ಸಂಗೀತ ನಿರ್ದೇಶಕರು “ಗುರುಕಿರಣ್ ” ರವರು. ನಂತರ ಇವರ ಗಾಯನ ವೃತ್ತಿ ಹಂಸಲೇಖ, ವಿ. ಹರಿಕೃಷ್ಣ, ಮನೋಮೂತಿ೯, ವಿ. ಮನೋಹರ್, ರಾಜೇಶ್ ಕೃಷ್ಣನ್, ಆರ್ ಪಿ ಪಟ್ನಾಯಕ್, ಅಜು೯ನ್ ಜನ್ಯ, ಸಂದೀಪ್ ಚೌಟ, ಸಾಧು ಕೋಕಿಲ, ಯುವನ್ ಶಂಕರ್ ರಾಜ ಮತ್ತು ಇನ್ನೂ ಹಲವಾರು ಸಂಗೀತ ನಿದೇ೯ಶಕರ ಚಿತ್ರಗಳಿಗೆ ಹಾಡಿದ್ದಾರೆ.
“ಬಿರುಗಾಳಿ ” ಚಿತ್ರದ “ಮಧುರ ಪಿಸು ಮಾತಿಗೇ, ಅಧರ ತುಸು ಪ್ರೀತಿಗೆ ” ಈ ಹಾಡು ಯಾರು ತಾನೆ ಕೇಳಿರಲ್ಲ.
ನಾಗವಲ್ಲಿ (ಆಪ್ತರಕ್ಷಕ ತೆಲುಗು ಅವತರಣಿಕೆ) ಗುರುಕಿರಣ್ ಸಂಗೀತ ನಿರ್ದೇಶಕರು ಈ ಚಿತ್ರದಲ್ಲಿ “ವಂದನಾಲು ವಂದನಾಲು ಕೋಟಿ ವಂದನಾಲು ” ಹಾಡಿರೋದು ಗಮನಾರ್ಹ. ಎಲ್ ಆರ್ ಈಶ್ವರಿ ರವರು ಹಾಡಿರುವ ಗೀತೆಗಳ ರೀಮಿಕ್ಸ್ ಕೂಡ ಇವರು ಹಾಡಿ ಕೇಳುಗರಿಗೆ ಇಷ್ಟವಾಗುವಂತೆ ತಮ್ಮ ಧ್ವನಿಯನ್ನು ನೀಡಿರುವುದು.
ಕೆಲವು ಖಾಸಗಿ ವಾಹಿನಿಯಲ್ಲಿ ನಿರೂಪಕರಾಗಿ, ತೀಪು೯ಗಾರರಾಗಿ, ಅತಿಥಿ ಗಾಯಕರಾಗಿ ರಿಯಾಲಿಟಿ ಶೋ ನಡೆಸಿಕೊಟ್ಟಿದ್ದಾರೆ.
“ಸ್ವರ ಸನ್ನಿಧಿ ಟ್ರಸ್ಟ್ ” ಸಂಸ್ಥೆಯ ನಿಮಾ೯ತೃ, ಈಗಿನ ಪೀಳಿಗೆಯ ಗಾಯಕರಿಗೆ, ನೃತ್ಯಗಾರರಿಗೆ, ಮತ್ತು ಸಂಗೀತ ಕ್ಷೇತ್ರದಲ್ಲಿ ಉತ್ತಮ ಭವಿಷ್ಯ ರೂಪಿಸುವಲ್ಲಿ ಉತ್ತಮ ವೇದಿಕೆ ನಿಮಾ೯ಣ ಮಾಡಿರೋದು ಶ್ಲಾಘನೀಯ ಅಂದ ಹಾಗೆ ಇವರು ನೃತ್ಯ ಕೂಡ ಕಲಿತಿದ್ದಾರೆ . ಈ ಟ್ರಸ್ಟ್ನಲ್ಲಿ ವೈದ್ಯಕೀಯ ಮತ್ತು ದಂತ ಶಿಬಿರ ವಿಶೇಷವಾಗಿ ಅಂಗವಿಕಲ ಮಕ್ಕಳಿಗೆ ಸಹಾಯ ಮಾಡುವುದು. “ಸ್ವರ ಸನ್ನಿಧಿ ಸಂಗೀತ ಶಾಲೆ ” ಸ್ಥಾಪಿಸಿ ಯುವ ಪ್ರತಿಭೆಗಳನ್ನು ಗುರುತಿಸಿ ಪ್ರೋತ್ಸಾಹ ನೀಡುತ್ತಿದ್ದಾರೆ.
ಇವರು ಹಾಡಿರುವ ಚಿತ್ರಗಳು ಹಲವಾರು ಅವುಗಳಲ್ಲಿ ಕೆಲವು ನೋಡೋದಾದರೆ :
ಕರಿಯ, ಗೋಕಣ೯,ಕುಟುಂಬ ,ಲಾಲಿ ಹಾಡು , ಪಾಥ೯,ರಂಗ ಎಸ್ ಎಸ್ ಎಲ್ ಸಿ , ರಾಮ ಶಾಮ ಭಾಮ , ಚೆಲ್ಲಾಟ, ಗಜ, ಅಜು೯ನ್, ಜುಗಾರಿ, ಚೆಲುವೆಯೇ ನಿನ್ನೆ ನೋಡಲು, ಕೆಂಪೇಗೌಡ, ಸೂಪರ್, ಆಪ್ತರಕ್ಷಕ, ಮೈಲಾರಿ, ಸಾರಥಿ, ಜರಾಸಂಧ, ಮುದ್ದು ಮನಸೆ, ರಾಂಬೊ 2 ಹೀಗೆ ಪಟ್ಟಿ ಹೋಗುವುದು.
ಗಜ ಚಿತ್ರದ “ಐತಲಕಡಿ.. ಜಲಜಲಜಲಜಾಕ್ಷಿ” ಶಂಕರ್ ಮಹದೇವನ್ ಜೊತೆ ಹಾಡಿದ ಟಪಾಂಗುಚ್ಚಿ ಹಾಡು ಭಾರೀ ಜನಪ್ರಿಯ ಗೀತೆ ಅನ್ನಿಸಿದೆ. ಕೇಳುಗರೇ ಈ ಹಾಡಿಗೆ ಕುಣಿಯಬೇಕು ಅಂತ ಅನ್ನಿಸಿದ್ದು ನಿಜ.
“ರಾಮ ಶಾಮ ಭಾಮ” ಚಿತ್ರದ “ಗುರುಕಿರಣ್” ಜೊತೆ ಹಾಡಿದ “ಜೋಪಾನ ರಾತ್ರಿಯಾಯ್ತು ” ಉತ್ತರ ಕನ್ನಡ ಶೈಲಿಯ ಗೀತೆ.
“ಚೆಲ್ಲಾಟ” ಚಿತ್ರದ “ಅಲೆಲೆ ತುಂಟು ಕಣ್ಣ ಸುಂದರ” ಹಾಡು ಜನಪ್ರಿಯತೆ ಗಳಿಸಿದೆ.
ಸಾರಥಿ ಚಿತ್ರದ “ಕಿಟ್ಟಪ್ಪ ಕಿಟ್ಟಪ್ಪ ನಿನ್ ಫ್ಲೂಟು ಎಲ್ಲಪ್ಪ ಹಾಡು ಕೂಡ.
ಇವರು ಹೆಸರಾಂತ ಗಾಯಕರ ಜೊತೆ ಹಾಡಿದ್ದಾರೆ ಡಾ ಎಸ್ ಪಿ ಬಾಲಸುಬ್ರಹ್ಮಣ್ಯಂ, ಹೇಮಂತ್, ಉದಿತ್ ನಾರಾಯಣ್, ಸುದೀಪ್, ರಾಜೇಶ್ ಕೃಷ್ಣನ್ ಮುಂತಾದವರ ಜೊತೆ ಹಾಡಿದ್ದಾರೆ.
ಅರುಣ್ ಕುಮಾರ್ ಡಿ ಕೆ ರವರೊಂದಿಗೆ ಮದುವೆಯಾಗಿ ಇಬ್ಬರು ಮಕ್ಕಳು ಒಂದು ಗಂಡು ಮತ್ತು ಇನ್ನೊಂದು ಹೆಣ್ಣು.
🎭ಮಧುರ ಪಿಸು ಮಾತಿಗೇ ಗೀತೆಗೆ ಅತ್ಯುತ್ತಮ ಹಿನ್ನೆಲೆ ಗಾಯಕಿ ಪ್ರಶಸ್ತಿ ಫಿಲಂ ಫೇರ್ 2009 ರಲ್ಲಿ ನೀಡಲಾಗಿದೆ.
🎸ಮತ್ತೆ ಇದೇ ಹಾಡಿಗೆ ಸುವಣ೯ ಫಿಲಂ ಪ್ರಶಸ್ತಿ ಲಭಿಸಿದೆ.
🌹ಮತ್ತೊಮ್ಮೆ ಈ ಹಾಡಿಗೆ ಸೌತ್ ಸ್ಕೋಪ್ ಸಿನಿಮಾ ಪ್ರಶಸ್ತಿ ನೀಡಿದ್ದಾರೆ.
👑ಬೆಕ್ಕು ಚಿತ್ರದ “ತಳಮಳದ ಮಳೆಯಲ್ಲಿ ” ಹಾಡಿಗೆ ಅತ್ಯುತ್ತಮ ಹಿನ್ನೆಲೆ ಗಾಯಕಿ ಎಂದು ಗುರುತಿಸಿ ಕರ್ನಾಟಕ ರಾಜ್ಯ ಸಕಾ೯ರ ಪ್ರಶಸ್ತಿ ನೀಡಿದೆ.
🥳ಉತ್ತರ ಕನ್ನಡ ಶೈಲಿಯಲ್ಲಿ ಹಾಡಿದ ಮತ್ತೊಂದು ಗೀತೆ “ಚುಟು ಚುಟು ಅನ್ತೈತೆ ” ಎಷ್ಟು ಜನಪ್ರಿಯತೆ ಗಳಿಸಿದೆ ಯಾರ ಬಾಯಲ್ಲೂ ಗುನುಗಿರೋ ಹಾಡು ವಿಶಿಷ್ಟ ಸಾಹಿತ್ಯ ಎಲ್ಲರೂ ಇಷ್ಟಪಡುವ ಹಾಗಿತ್ತು ಮತ್ತು ಈ ಹಾಡಿನ ವಿಡಿಯೋ ವೀಕ್ಷಣೆ 100 ಮಿಲಿಯನ್ ಆಗಿದ್ದು ದಾಖಲೆ. ಶರಣ್ ಮತ್ತು ಆಶಿಕಾ ರಂಗನಾಥ್ ನಟಿಸಿದ ಚಿತ್ರ “ರಾಂಬೊ 2”. ಅಷ್ಟೇ ಅಲ್ಲದೆ ದಕ್ಷಿಣ ಭಾರತದಲ್ಲಿ ಟಾಪ್ 25 ರ ಪಟ್ಟಿಯಲ್ಲಿ ಈ ಹಾಡು ಇರುವುದು ನಮ್ಮ ಕನ್ನಡ ಚಿತ್ರರಂಗಕ್ಕೆ ಹೆಮ್ಮೆಯ ವಿಷಯ.
ಇಂಥ ಅಮೋಘ ಗಾಯಕಿ ಭೇಟಿ ಮಾಡುವ ಸೌಭಾಗ್ಯ ಒಂದು ದಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ಅವರು ಸಮಾರಂಭಕ್ಕೆ ಬಂದಾಗ ಮಾತನಾಡಿಸಿದೆ, ಚೆನ್ನಾಗಿ ಮಾತನಾಡಿದರು ತುಂಬಾ ಖುಷಿಯಾಯ್ತು, ಕೆಲವರಿಗೆ ಸ್ವಲ್ಪ ಜನಪ್ರಿಯ ಬಂದರೆ ಯಾರ ಜೊತೆಗೂ ಅಷ್ಟಾಗಿ ಮಾತಾಡೋಕೆ ಇಷ್ಟ ಪಡಲ್ಲ ಆದರೆ ಇವರು ಹಾಗಲ್ಲ, ಅಭಿಮಾನಿಗಳಿಗೆ ಗೌರವ ನೀಡುವ ಒಳ್ಳೆಯ ಗುಣ ಇವರದು.
ಇವರ ಮುಂಬರುವ ಎಲ್ಲಾ ಹಾಡುಗಳೂ ಸೂಪರ್ ಹಿಟ್ ಆಗಲಿ ಮತ್ತೆ ದಾಖಲೆ ಮಾಡಿರುವ ರೀತಿ ಇನ್ನೂ ದೊಡ್ಡ ಹೆಸರು ಮಾಡಲಿ ಅಂತ ಹೇಳಿ ನನ್ನ ಈ ಸಣ್ಣ ಲೇಖನ ಮುಗಿಸುವೆ …
