ತಾರಾಗಣ- ಪ್ರಜ್ವಲ್ ದೇವರಾಜ್, ದರ್ಶನ್ ತೂಗುದೀಪ್(ವಿಶೇಷ ಪಾತ್ರ) ಭಾವನಾ ಮೆನನ್, ರಘು ಮುಖರ್ಜಿ, ಅವಿನಾಶ್ ಹಾಗೂ ಧರ್ಮಣ್ಣ ಕಡೂರ್.
ನಿರ್ದೇಶನ – ಶ್ರೀ ನರಸಿಂಹ.
ಸಂಗೀತ – ಅನೂಪ್ ಸೀಳಿನ್.
ನಿರ್ಮಾಪಕರು – ಎ. ಆರ್. ವಿಖ್ಯಾತ.
“ಇನ್ಸ್ಪೆಕ್ಟರ್ ವಿಕ್ರಂ” 1989ರಲ್ಲಿ ಬಿಡುಗಡೆಯಾದ ಹ್ಯಾಟ್ರಿಕ್ ಹೀರೋ ಶಿವರಾಜ ಕುಮಾರ್ ಅವರ ವೃತ್ತಿ ಬದುಕಲ್ಲಿ ಮೈಲಿಗಲ್ಲಾಗಿ ನಿಂತಿರುವ ಹಲವು ಸಿನಿಮಾಗಳಲ್ಲಿ ಇದು ಕೂಡ ಒಂದು. ಶಿವಣ್ಣ ಅವರ ಮೇಲಿನ ಅಪಾರವದ ಪ್ರೀತಿ ಗೌರವದಿಂದ ಚಿತ್ರತಂಡ ಈಗ ಅದೇ ಶೀರ್ಷಿಕೆಯನ್ನ ಬಳಸಿ ಹೊಸ ಸಿನಿಮಾ ಮಾಡಿದ್ದಾರೆ. ಕಥವಸ್ತುವಿನಲ್ಲಿ ಯಾವುದೇ ಹೋಲಿಕೆ ಇಲ್ಲಾವಾದ್ರೂ ಸಿನಿಮಾದ ಟೈಟಲ್ ಹೇಳುವಂತೆ ಏರಡರಲ್ಲು ನಾಯಕ ಪೊಲೀಸ್ ಅಧಿಕಾರಿ.
ಇನ್ಸ್ಪೆಕ್ಟರ್ ವಿಕ್ರಂ(ಪ್ರಜ್ವಲ್ ದೇವರಾಜ್) ಓರ್ವ ದಕ್ಷ ಅಧಿಕಾರಿ, ಲವರ್ ಬಾಯ್ ಜೊತೆಗೆ ಹುಡುಗಾಟದ ಸ್ವಭಾವದವ. ರಘು ಮುಖರ್ಜಿ( ಪ್ರತಾಪ) ಪೊಲೀಸ್ ಅಧಿಕಾರಿಯಾಗಿದ್ದು, ಕಾನೂನಿನ ಸುವ್ಯವಸ್ಥೆಗೆ ಧಕ್ಕೇ ತರೊ ವಿಲ್ಲನ್, ಕಥೆಯ ಪ್ರಾರಂಭದಲ್ಲೇ ಒಂದು ಕೊಲೆ ಮಾಡಿ, ಹಾವು ಹತ್ತು ಜನರ ಕೈಯಿಂದ ತಪ್ಪಿಸಿಕೊಳ್ಳ ಬಹುದು ಆದ್ರೆ ಹದ್ದಿನ ಕಣ್ಣಿನಿಂದಲ್ಲ ಅಂತ ಹೇಳ್ತಾನೆ.ಕೋಲ್ಡ್ ಬ್ಲಡ್ ಖಳನಟನಾಗಿ ರಘು ಬಹಳ ಸಮರ್ಥವಾಗಿದ್ದಾರೆ. ಕೊಲೆಯಯಾದವ ಯಾರು??
ಮತ್ತೊ0ದೆಡೆ ಮಾದಕ ವಸ್ತು ಮತ್ತು ಡ್ರಗ್ಸ ಹಾವಳಿ ಹೆಚ್ಚಾಗಿ ಸಮಾಜದ ದಿಕ್ಕು ತಪ್ತಾ ಇದೆ, ಅದಕ್ಕೆ ಕಾರಣವಾದ ದೊಡ್ಡ ಕೈಯನ್ನ ಬಂಧಿಸಿ ಸೆರೆ ಹಿಡಿಯುವ ಜವಾಬ್ದಾರಿ ಇನ್ಸ್ಪೆಕ್ಟರ್ ವಿಕ್ರಂಗೆ ಕಮಿಷನರ್ (ಅವನಾಶ್) ಒಪ್ಪಿಸುತ್ತಾರೆ, ಕಳ್ಳ ಪೊಲೀಸ್ ಆಟದಲ್ಲಿ, ಪೊಲೀಸ್ ತನ್ನ ತೋಳಿನ ಬಲ ಬುದ್ದಿ ಶಕ್ತಿ ಬಳಸಿ ಅಪರಾಧಿಯನ್ನು ಸೆರೆ ಹಾಕುವುದು ವಾಸ್ತವ , ಆದ್ರೆ ಇಲ್ಲಿ ಓರ್ವ ಚಾಣಾಕ್ಷ ಪೊಲೀಸ್ ಅಧಿಕಾರಿಯೇ ಕಳ್ಳ.. ವ್ಯೂಹದೊಳಗೊಂದು ವ್ಯೂಹ ಎಂಬಂತೆ ಕಥೆ ಸಾಗುತ್ತೆ. ನಟಿ ಭವಾನ ಎಂದಿನಂತೆ ಬಹಳ ಕ್ಯೂಟ್ ಆಗಿ, ಲವಲವಿಕೆಯಿಂದ ಕಂಡು, ಅವರ ಪಾತ್ರಕ್ಕೆ ಸಾಕಷ್ಟು ನ್ಯಾಯ ಒದಗಿಸಿದ್ದಾರೆ. ವ್ಯಾಘ್ರ ಪ್ರತಾಪನನ್ನು ಸಾಕ್ಷ್ಯಾಧಾರ ಸಮೇತವಾಗಿ ಬಂಧಿಸಲು ಮತ್ತೊಂದು ಹೊಸ ಕೈ ಸೇರುತ್ತೆ ಅದು ಕೂಡ ಸಿನಿಮಾದಲ್ಲಿನ ಒಂದು ಸಸ್ಪೆನ್ಸ್. ಆಕ್ಷನ್ ಹಾಗೂ ರೋಮ್ಯಾಂಟಿಕ್ ಸನ್ನಿವೇಶಗಳಲ್ಲಿ ಪ್ರಜ್ವಲ್ ಅಭಿನಯ ಬಹಳ ಚುರುಕಾಗಿದೆ, ಬಿರುಸಾಗಿದೆ.
“ಆನೆ ನಡೆದಿದ್ದೆ ದಾರಿ”… ಸಿನಿಮಾದಲ್ಲಿನ ಮತ್ತೊಂದು ಹೈಲೈಟ್ ಅಂದ್ರೆ ಡಿ- ಬಾಸ್ ಅವರ ಹಾಜರಿ. ಅವರು ಯಾವುದೇ ಪಾತ್ರವಾಗಿ ಅಭಿನಯಿಸದೆ ಖುದ್ದು ದರ್ಶನ ಆಗಿಯೇ ಕಾಣಿಸಿದ್ದಾರೆ. ಚಾಲ್ಲೆಂಜಿಂಗ್ ಸ್ಟಾರ್ ದರ್ಶನ್ ಬಂದಮೇಲ್ ಎಲ್ಲೆನೋ ಒಂದು ವಿಶೇಷ ಇರಲೇ ಬೇಕು, ಖಂಡಿತ ಇದೇ. ಬಿಳಿ ಶರ್ಟು ,ಬ್ಲಾಕ್ ಪ್ಯಾಂಟ್, ನುಣುಪಾದ ಮೀಸೆ ಬಿಟ್ಟು,ಕುದ್ರೆ ಹಿಡ್ಕೊಂಡು ಭಗತ್ ಸಿಂಗ್ ತರ ಟೋಪಿ ಹಾಕೊಂಡು ಬರ್ತಾ ಇದ್ರೆ ಅದರ ಮಜಾನೆ ಬೇರೆ.. ಅದನ್ನ ದೊಡ್ಡ ಪರದೆಯಲ್ಲೇ ನೋಡಬೇಕು.
ಧರ್ಮಣ್ಣ ಕಡೂರ್, ಶೋಭರಾಜ್ ಅವರ ಹಾಸ್ಯ ಮತ್ತು ಅಭಿನಯ ನಗುವಿಗೆ ಕಾರಣವಾದ್ರೆ,ಪ್ರಜ್ವಲ್ ದೇವರಾಜ್ ಅವರ ಕೆಲವು ಪಂಚ್ ಸಾಲುಗಳು ಕಿಕ್ಕೇರಿಸುತ್ತೇ..ಆದ್ರೆ ವಿಷಯಕ್ಕಿಂತ ಪ್ರಾಸಾನೆ ಹೆಚ್ಚು ಅನ್ಸುತ್ತೆ. ಸಂಗೀತ ನಿರ್ದೇಶಕರಾದ ಅನೂಪ್ ಸೀಳಿನ್ 3 ಅದ್ಭುತವಾದ ಹಾಡುಗಳನ್ನ ಸಂಯೋಜಿಸುವುದರ ಜೊತೆಗೆ ಬೊಂಬಾಟ್ ಹಿನ್ನಲೆ ಸಂಗೀತವನ್ನ ಅಂಟಿಸಿ ಸಿನಿಮಾನ ಉಯ್ಯಾಲೆಯಂತೆ ತೂಗಿಸಿದ್ದಾರೆ.
ಇನ್ನು ಸಿನಿಮಾದ ನಾವಿಕ ನಿರ್ದೇಶಕ ಶ್ರೀ ನರಸಿಂಹ ಯಾವ ಹಂತದಲ್ಲು ನೋಡುಗನಿಗೆ ಬೋರ್ ಹೊಡೆಯದಂತೆ, ಮನೋರಂಜನೆಗೆ ಕೊರತೆಯಾಗದಂತೆ ಲಾಜಿಕ್ ಗಿಂತ ಮಾಜಿಕ್ಕೆ ಲೇಸು ಅನ್ನೋ ಪರಿಯಲ್ಲಿ ಕೆಲಸ ನಿರ್ವಹಿಸಿ, ಪಕ್ಕ ಎಂಟರಟೈನ್ಮೆಂಟ್ ಸಿನಿಮಾ ತಯಾರಿಸಿ ಗೆದ್ದಿದ್ದಾರೆ.
ಚಿತ್ರೋದ್ಯಮ.ಕಾ0 ರೇಟಿಂಗ್- 7/10.
