ಕಟ್ಟುಮಸ್ತಾದ ದೇಹ, ಗುಂಗುರು ಕೂದಲು, ಕೈ ತೋಳು ನೋಡುದ್ರೆ ಎಂಥವರಿಗೂ ಭಯ ಆಗುತ್ತೆ, ಕನ್ನಡ ಚಿತ್ರರಂಗದ ಅಸಲೀ ಫೈಟರ್ ಟೈಗರ್ ಪ್ರಭಾಕರ್ ರವರ ಜನುಮ ದಿನದ ಸವಿನೆನಪು ಇಂದು.
ಇವರು ಕನ್ನಡ ಚಿತ್ರವಲ್ಲದೆ ತಮಿಳು, ತೆಲುಗು, ಹಿಂದಿ ಮುಂತಾದ ಭಾಷೆಗಳಲ್ಲಿ ಅಭಿನಯಿಸಿದ್ದಾರೆ, ಫೈಟಿಂಗ್ ದೃಶ್ಯಗಳಿಗೆ ಹೇಳಿ ಮಾಡಿಸಿದ ಹಾಗೆ, ಕಾಮಿಡಿ ದೃಶ್ಯಗಳನ್ನು ಮರೆಯೋಕಾಗಲ್ಲ, ಅವರ ಧ್ವನಿಯಂತೂ ಅಭಿಮಾನಿಗಳಿಗೆ ಗಿಫ್ಟ್ ಅನ್ನಬಹುದು, ಅವರು ಕಾಮಿಡಿ ಪಾತ್ರಗಳಲ್ಲಿ ತುಂಬಾ ಚೆನ್ನಾಗಿ ನಟಿಸಿದ್ದಾರೆ. ಖಳನಾಯಕರಾಗಿ ಅಭಿಮಾನಿಗಳ ಮನಸ್ಸಿನಲ್ಲಿ ಸದಾ ಉಳಿದಿದ್ದಾರೆ. ಪೋಷಕನಟರಾಗಿ ಕೂಡ ನಟಿಸಿದ್ದಾರೆ.
ಆಕಸ್ಮಾತಾಗಿ ನೆ. ಲ ನರೇಂದ್ರ ಬಾಬು ರವರ ಆಫೀಸಿಗೆ ಒಂದು ಕೆಂಪು ಕಾರು ಒಂದು ಬಂತು, ಅಲ್ಲಿಂದ ಆಜಾನುಬಾಹು ವ್ಯಕ್ತಿ ಇಳಿತಾರೆ, ಸೀದಾ ಬಾಬು ರವರು ಆಫೀಸ್ ನಲ್ಲಿ ಇದ್ದ ಪ್ರತಿಯೊಬ್ಬರನ್ನೂ ಪರಿಚಯ ಮಾಡಿಕೊಡ್ತಾರೆ ಅಲ್ಲಿ ನಾನೂ ಕೂಡ ಇದ್ದೆ, ನನಗೂ ಕೂಡ ಪರಿಚಯ ಮಾಡಿಕೊಟ್ಟರು ಅವರ ಕೈ ಕುಲುಕುವ ಭಾಗ್ಯ ಸಿಕ್ಕಿತು, ಅವರ ಯೋಗಕ್ಷೇಮ ವಿಚಾರಿಸಿದೆ, ಚೆನ್ನಾಗಿ ಮಾತನಾಡಿದರು, ಅವರ ಕೈ ಮುಟ್ಟುತ್ತಿದ್ದಹಾಗೆ ನನಗೆ ಭಯ ಮತ್ತು ಖುಷಿ ಆಯ್ತು, ನನ್ನ ಹಣೆಬರಹಕ್ಕೆ ಆಗ ನನ್ನ ಹತ್ತಿರ ಮೊಬೈಲ್ ಇರಲಿಲ್ಲ, ನೋಡಿ ಖುಷಿ ಪಟ್ಟೆ ಮತ್ತೊಂದು ಸಲ ಚುನಾವಣಾ ಪ್ರಚಾರದಲ್ಲಿ.
ಇವರು ಅಣ್ಣಾವ್ರ ಜೊತೆ ಹಲವಾರು ಚಿತ್ರಗಳಲ್ಲಿ ಖಳನಾಯಕರಾಗಿ ಅಭಿನಯಿಸಿದ್ದಾರೆ ಗಂಧದ ಗುಡಿ, ರಾಜ ನನ್ನ ರಾಜ, ಬಡವರ ಬಂಧು,ಗಿರಿಕನ್ಯೆ,ಒಲವು ಗೆಲುವು, ತಾಯಿಗೆ ತಕ್ಕ ಮಗ, ಹುಲಿಯ ಹಾಲಿನ ಮೇವು, ನಾನೊಬ್ಬ ಕಳ್ಳ, ರವಿಚಂದ್ರ, ವಸಂತ ಗೀತ, ಹಾವಿನ ಹೆಡೆ , ಶಂಕರ್ ಗುರು, ಆಪರೇಷನ್ ಡೈಮಂಡ್ ರಾಕೆಟ್ ಇನ್ನೂ ಮುಂತಾದವು.
ಅಣ್ಣಾವ್ರಲ್ಲದೆ ವಿಷ್ಣುವಧ೯ನ್, ಅಂಬರೀಷ್, ರವಿಚಂದ್ರನ್, ರಜಿನಿಕಾಂತ್, ಶಂಕರ್ ನಾಗ್, ಅನಂತ್ ನಾಗ್,ಶಶಿಕುಮಾರ್, ಜಗ್ಗೇಶ್ ರವರ ಜೊತೆ ನಟಿಸಿರೋದು ಇಲ್ಲಿ ಸ್ಮರಿಸಬಹುದು, ಯಮಕಿಂಕರ, ಕಲಿಯುಗಭೀಮ, ಕಾಡಿನ ರಾಜ, ಚಕ್ರವ್ಯೂಹ, ಒಂಟಿಸಲಗ, ರಣಭೇರಿ, ಪ್ರೇಮಲೋಕ, ಬೆಳ್ಳಿನಾಗ, ಟೈಗರ್, ಸ್ವಾಭಿಮಾನ, ಪ್ರೇಮಿಗಳ ಸವಾಲ್, ಮುತ್ತು, ಹುಲಿಹೆಜ್ಜೆ, ಜಿಮ್ಮಿಗಲ್ಲು, ನ್ಯಾಯ ಎಲ್ಲಿದೆ, ಟೋನಿ, ಆಟೋರಾಜ ಇನ್ನೂ ಹಲವಾರು.
ಇವರ ಡಿಫರೆಂಟ್ ವಾಯ್ಸ್ ತುಂಬಾನೇ ಕಮ್ಮಿ ಸಿಗೋದು, ಕಾಮಿಡಿ ಟೈಮಿಂಗ್ ಸೂಪರ್. ಕನ್ನಡ ನಾಡಿನ ಮೇಲೆ ತುಂಬಾ ಹೆಮ್ಮೆ ಇವರಿಗೆ, ಅದಕ್ಕೆ ನನ್ನಂದ್ರು ಚಿಂತಿಲ್ಲ, ಕನ್ನಡಾನ ಬೈಬ್ಯಾಡ, ತಾಯಿ ಸೆಂಟಿಮೆಂಟ್ ಜೊತೆ ಸಾಂಗ್ ಕೈತುತ್ತು ಕೊಟ್ಟೋಳೆ ಐ ಲವ್ ಯೂ ಮೈ ಮದರ್ ಇಂಡಿಯಾ.. ಹಾಡು ಮರೆಯಲಾಗದು.
ಕೆಲವು ನಟರೇ ಹಾಗೇ ತಮ್ಮ ವಿಶಿಷ್ಟವಾದ ಕಂಠದ ಮೂಲಕ ಜನರನ್ನು ಸೆಳೆದು ಅಭಿಮಾನಿಗಳ ಹೃದಯದಲ್ಲಿ ಶಾಶ್ವತವಾಗಿ ನೆಲೆಸಿದ್ದಾರೆ.
