ನಿಜಕ್ಕೂ ಇಂಥ ಚಿತ್ರ ಮಾಡಿರೋ ನಿದೇ೯ಶಕರಾದ ರಘುರಾಮ್ ರವರನ್ನು ಮೆಚ್ಚಲೇಬೇಕು, ಈ ಚಿತ್ರದಲ್ಲಿ “ಶಿವಣ್ಣ“ಎಷ್ಟು ಯಂಗಾಗಿ ಕಾಣಿಸ್ತಾರೆ, ಅಭಿನಯ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ, ಅದರಲ್ಲೂ ಅಣ್ಣಾವ್ರ ಜನಪ್ರಿಯ ಗೀತೆ “ಹುಟ್ಟಿದರೆ ಕನ್ನಡ ನಾಡಲ್ಲಿ ಹುಟ್ಟಬೇಕು “ ರಿಮಿಕ್ಸ್ ನಲ್ಲೂ ಪ್ರತಿಯೊಂದು ಸನ್ನಿವೇಶದಲ್ಲಿ ಅಣ್ಣಾವ್ರನ್ನು ಮತ್ತು ಶಿವಣ್ಣ ರನ್ನು ತೆರೆಯ ಮೇಲೆ ನೋಡೋದೇ ಆನಂದ, ಅಣ್ಣಾವ್ರನ್ನು ಮಧ್ಯದಲ್ಲಿ ತೋರಿಸ್ತಿದ್ರೆ ನಮಗೆ ಗೊತ್ತಿಲ್ಲದಂತೆ ಮೈ ಝುಮ್ ಮತ್ತು ಅಳು ಕೂಡ ಬರುತ್ತೆ.
ಒಬ್ಬ ಟೂರಿಸ್ಟ್ ಮ್ಯಾನೇಜರ್ ಆಗಿ ಪ್ರವಾಸಿಗರನ್ನು ತಮ್ಮ ಕುಟುಂಬದವರು ಎಂದು ತಿಳಿದು ಅಣ್ಣನಾಗಿ, ತಮ್ಮನಾಗಿ, ಗೆಳೆಯನಾಗಿ, ಮಗನಾಗಿ ಕಷ್ಟದಲ್ಲಿ ಭಾಗಿಯಾಗಿ ಯಾರಿಗೂ ನೋವಾಗದಂತೆ ನೋಡಿಕೊಳ್ಳುವ ಪಾತ್ರ ಶಿವಣ್ಣ ರವರದ್ದು, ಮದುವೆ ಆಗಿ ಜೀವಿಸುವವರು ಕ್ಷುಲ್ಲಕ ಕಾರಣಗಳಿಗೆ ಬೇರೆ ಆಗೋ ಸಂದಭ೯ವನ್ನು ಅವರ ತಪ್ಪನ್ನು ಅರಿತುಕೊಳ್ಳುವ ಸಮಯ ನೀಡಿ ಕೆಲವು ಬದಲಾವಣೆಗಳನ್ನು ತಿಳಿಸಿ ನಂತರ ಆ ದಂಪತಿಗಳು ಒಂದಾಗುವುದು, ಇಲ್ಲಿ ಹಿರಿಯ ಕಲಾವಿದರಾದ ದತ್ತಣ್ಣ ರವರ ಪಾತ್ರ ಮನಮಿಡಿಯುವಂತಿದೆ, ವಯಸ್ಸಾದ ಮೇಲೆ ಮಕ್ಕಳು ತಂದೆ ತಾಯಿ ಬಿಟ್ಟು ಅವರ ಖುಷಿಯಲ್ಲಿ ಇರೋರು ಹೆತ್ತವರ ಬಗ್ಗೆ ಕಿಂಚಿತ್ತೂ ಯೋಚಿಸದೇ ಇರೋ ಸನ್ನಿವೇಶ ಪ್ರವಾಸದಲ್ಲಿ ಬಂದಾಗ ಆಕಸ್ಮಾತಾಗಿ ಎದೆ ನೋವು ಕಾಣಿಸಿಕೊಂಡು ನರಳುವಾಗ ಶಿವಣ್ಣ ಅವರನ್ನು ಕಾಪಾಡುವ ಪ್ರಯತ್ನ ನಿದೇ೯ಶನ ಮಾಡುವ ಶೈಲಿ ಮೆಚ್ಚುವಂತದು.
ತಮಗೆ ಒಪ್ಪಿಸಿದ ಜವಾಬ್ದಾರಿಗಾಗಿ ಪ್ರೀತಿಸಿದ ಹುಡುಗಿಯನ್ನು ಪ್ರೀತಿಯನ್ನು ಕಳೆದುಕೊಳ್ಳುವ ಸನ್ನಿವೇಶ, ಕೊನೆಯಲ್ಲಿ ನಿಜವಾದ ಪ್ರೀತಿ ಗೆದ್ದೇ ಗೆಲ್ಲುವುದು ಎಂದು ಚಿತ್ರೀಕರಿಸಿದ ರೀತಿ.
“ಚೆಲುವೆ ನಿನ್ನೆ ನೋಡಲು” ಎಸ್ ಪಿ ಬಿ ರವರ ಕಂಠಸಿರಿಯಲ್ಲಿ ಫೀಲಿಂಗ್ ಸಾಂಗ್ ನಿಜವಾಗಿ ಪ್ರೀತಿಸೋ ಪ್ರತಿಯೊಬ್ಬರಿಗೂ ಒಂದು ಸಲವಾದರೂ ನೀರು ಬರುವುದು.
ಈ ಚಿತ್ರದ ಮತ್ತೊಂದು ವಿಶೇಷವೆಂದರೆ ಜೀವನದಲ್ಲಿ ನಮಗೆ ಯಾರು ಯಾರು ಸಹಾಯ, ಒಳ್ಳೆಯ ಕೆಲಸ ಮಾಡಿದಾಗ ಬೆನ್ತಟ್ಟಿ ಪ್ರೋತ್ಸಾಹ ನೀಡಿದ ಜನರಿಗೆ ಧನ್ಯವಾದಗಳು ತಿಳಿಸಿದ ಒಂದು ಹಾಡು “ಜನುಮನ ಕೊಟ್ಟ ಅಪ್ಪ ಥ್ಯಾಂಕ್ಸ್ ಅಮ್ಮ ಥ್ಯಾಂಕ್ಸ್ “ ಎನ್ನುವ ಗೀತೆ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸೋದು .
ಹಾಗೇ 7 ದೇಶಗಳನ್ನು ಪ್ರಪ್ರಥಮವಾಗಿ ತೆರೆಯ ಮೇಲೆ ತೋರಿಸಿದ ಚಿತ್ರ “ಚೆಲುವೆಯೇ ನಿನ್ನೇ ನೋಡಲು “
