ರಾಮು (ರಾಜ್ಕುಮಾರ್) ಮತ್ತು ಉಮಾ (ಜಯಂತಿ) ಬಾಲ್ಯ ಸ್ನೇಹಿತರು. ಉಮಾಳ ತಂದೆ ಕೆ ಎಸ್ ಅಶ್ವತ್ಥ್ ಮತ್ತು ರಾಮು ತಂದೆ ಟಿ ಎನ್ ಬಾಲಕೃಷ್ಣ ಇವರಿಬ್ಬರ ಮದುವೆ ನಿಶ್ಚಯ ಮಾಡಿರುತ್ತಾರೆ. ಆದರೆ ಮೆಡಿಕಲ್ ಕಾಲೇಜು ಓದುವಾಗ ಸಹಪಾಠಿ ರಾಧಾಳನ್ನು (ಲೀಲಾವತಿ) ಪ್ರೇಮಿಸುತ್ತಾನೆ ರಾಮು. ಅವರಿಬ್ಬರ ಸಮಾಗಮ ಒಂದು ಮಳೆಯ ರಾತ್ರಿ ನಡೆದು ರಾಧಾ ಗರ್ಭಿಣಿ ಆಗುತ್ತಾಳೆ. ತಂದೆಗೆ ಹೆದರಿದ ರಾಮು ವಿಷಯ ಬಹಿರಂಗ ಪವಡಿಸದೇ ಇದ್ದಿದ್ದರಿಂದ ನಾನಾ ಕೋಟಲೆಗಳಿಗೆ ಸಿಲುಕುತ್ತಾಳೆ ರಾಧಾ….
ನರಸಿಂಹರಾಜು ಮತ್ತು ಜ್ಯೂ ರೇವತಿ ಜೋಡಿ ಇದೆ. ಚಿಂದೋಡಿ ಲೀಲಾ ರಾಮು ರಾಧಾ ಹತ್ತಿರವಾಗದಿರುವಂತಹ ಕೆಲಸ ಮಾಡುತ್ತಾಳೆ. ಲೀಲಾವತಿ ತಾಯಿಯ ಪಾತ್ರದಲ್ಲಿ ಪಾಪಮ್ಮ ಇದ್ದಾರೆ. ಜಯಶ್ರೀ ರಾಜ್ ಅಮ್ಮನ ಪಾತ್ರ. ಮುಖ್ಯ ಪತ್ರ ಕೆಲಸದಾಳಿಗೆ ಕೊಟ್ಟರೆ ಅವನು ಪೋಸ್ಟ್ ಮಾಡುವುದಿಲ್ಲ.
ಕಾಲೇಜು ಪಿಕ್ನಿಕ್ ಹಾಡು ಆಗಿನ ಕಾಲದ ಅನೇಕ ಹಾಡುಗಳ ಮೆಡ್ಲಿ ಹೊಂದಿದೆ.
ಬಾಲಕೃಷ್ಣ ಈ ಸಿನಿಮಾದಲ್ಲಿ ‘ಕರೆಕ್ಟ್ ಕರೆಕ್ಟ್’ ಅಂತ ಬಹಳ ಸಲ ಹೇಳ್ತಾರೆ.
ಎಸ್ ಜಾನಕಿ ಹಾಡಿರುವ ‘ಮದುಮಗ ಬಂದ’ ಸ್ವಲ್ಪ ಫೆಮಿಲಿಯರ್.
ಪಿ. ಕಾಳಿಂಗ ರಾವ್ ಕಾಲೇಜು ವೇದಿಕೆಯ ಮೇಲೆ
ಕೆ. ಎಸ್ ನರಸಿಂಹಸ್ವಾಮಿ ಅವರ ‘ಅಂಥಿಂಥ ಹೆಣ್ಣು ನೀನಲ್ಲ’ ಹಾಡ್ತಾರೆ. ಆ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಮಹಾನ್ ಲೇಖಕ ಅನಕೃ ಕಾಣಿಸಿಕೊಂಡಿದ್ದಾರೆ.
ಅವರ 100ನೇ ಕಾದಂಬರಿ ಬಂದ ಸಮಯವದು.
ಕನ್ನಡ ನಾಡು ನುಡಿಯ ಬಗೆಗೆ ಪುಟ್ಟ ಭಾಷಣ ಮಾಡುತ್ತಾರೆ ಅನಕೃ.
ರಾಜ್ ಈ ಸಿನಿಮಾದಲ್ಲಿ ಬರುವ ನಾಟಕದಲ್ಲಿ ದುಷ್ಯಂತನ ಪಾತ್ರ ವಹಿಸಿದ್ದಾರೆ (ಮತ್ತೆ ಕವಿರತ್ನ ಕಾಳಿದಾಸದಲ್ಲಿ ಈ ಪಾತ್ರ ವಹಿಸಿದರು).
